Лінкі ўнівэрсальнага доступу

Трамп заклікаў закрыць справу аб расейскім умяшаньні


Дональд Трамп
Дональд Трамп

Прэзыдэнт ЗША Дональд Трамп заявіў, што генэральны пракурор Джэф Сэшнс меў бы неадкладна спыніць расьсьледаваньне справы аб ўмяшаньня Расеі ў амэрыканскія выбары. У сваім допісе ў твітэры Трамп ізноў назваў гэтае расьсьледаваньне «паляваньнем на ведзьмаў», а каманду спэцпракурора Робэрта Мюлера, якая вядзе расьсьледаваньне, «ганьбай для ЗША».

Вашынгтон абвінавачвае Расею ва ўмяшаньні ў выбары прэзыдэнта ЗША ў 2016 годзе. 31 ліпеня ў рамках гэтай справы пачаўся суд над Полам Манафортам, былым памочнікам Трампа. Сам прэзыдэнт ЗША адмаўляе змову з Крамлём. Масква таксама адхіляе ўсе абвінавачаньні.

Пры гэтым віцэ-прэзідэнт ЗША Майкл Пэнс у аўторак прызнаў ўмяшаньне Крамля ў амэрыканскія выбары і назваў гэта «абразай дэмакратыі» ЗША. Ён таксама заявіў, што ФБР і Міністэрства ўнутранай бясьпекі ЗША працуюць над узмацненьнем абароны выбарчай сыстэмы краіны.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG