Максымальныя штрафы за распаўсюд забароненай інфармацыі для юрыдычных асоб і СМІ складуць 100 і 200 базавых велічыняў. Гэта прадугледжана законам аб унясеньні зьменаў і дапаўненьняў у КаАП і ПВКаАП, піша БелТА.
Распаўсюд забароненай інфармацыі будзе карацца штрафам:
- для юрыдычных асоб — ад 20 да 100 базавых велічыняў (ад 490 да 2450 рублёў на момант публікацыі);
- для СМІ — ад 20 да 200 базавых велічыняў (ад 490 да 4900 рублёў на момант публікацыі).
Гэтыя зьмены набудуць моц з 1 сьнежня разам з Законам аб СМІ, які Савет Рэспублікі ўхваліў 28 чэрвеня.
Першапачаткова новы закон аб СМІ прадугледжваў зьмены ў Кодэксе аб адміністрацыйных правапарушэньнях: максымальны штраф за распаўсюд забароненай інфармацыі прапаноўвалі павысіць да 500 базавых велічыняў (12 250 рублёў на момант публікацыі).
Міністэрства інфармацыі мяркуе, што пералічваць у абноўленым законе аб СМІ забароненую да распаўсюду інфармацыю немэтазгодна. Паводле ведамства, гэты сьпіс пэрыядычна дапаўняюць іншыя законы.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў