На ўскраіне Горадні непадалёк ад Нёмана пачалі засыпаць крэйдавыя кар’еры. Для гэтага меўся выкарыстоўвацца грунт, аднак на бераг зьвезена таксама будаўнічае і плястыкавае сьмецьце.
Крэйдавыя кар’еры Сіньку і Зялёнку, якія за бірузовы колер вады называюць «горадзенскімі Мальдзівамі», пачалі засыпаць грунтам з будоўляў.
У кар’ерах патанула ўжо больш за дзесяць чалавек, у тым ліку дзеці. Глыбіня карʼераў сягае 30–40 мэтраў, берагі стромыя і насычаныя вільгацьцю — у іх можна завязнуць, як у багне.
Гарвыканкам, пад адказнасьць якога карʼеры перайшлі ў 2008 годзе, вырашыў ад іх пазбавіцца — засыпаць грунтам.
Гарадзенцы хвалююцца, што разам з грунтам на дно скінуць і сьмецьце, якое доўга перагнівае.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў