Лінкі ўнівэрсальнага доступу

У Валгаградзе змыла схіл стадыёну, пабудаванага да чэмпіянату сьвету. ВІДЭА


«Валгаград-Арэна» да інцыдэнту
«Валгаград-Арэна» да інцыдэнту

У Валгаградзе ў выніку залевы разбураны насыпны схіл ля стадыёну «Валгаград-Арэна», які актыўна добраўпарадкоўвалі апошнія месяцы. Пра гэта паведамляюць мясцовыя сайты са спасылкамі на фота і відэа відавочцаў.

Пясок і гліну са схілу змыла на новую дарогу, пабудаваную к чэмпіянату сьвету ў футболе. Афіцыйна яна носіць імя героя абароны Сталінграда маршала Крылова, але валгаградцы называюць яе Нулявой падоўжнай.

У дзень завяршэньня чэмпіянату сьвету ў футболе (фінальны матч праходзіў на маскоўскіх «Лужніках») у Валгаградзе прайшла магутная залева. Затапіла некалькі буйных гандлёвых цэнтраў, у тым ліку «Камсамол» і «Варашылаўскі». Вялізныя азёры ўтварыліся па ўсім горадзе, у тым ліку на праспэкце імя Леніна, галоўнай транспартнай магістралі Валгаграду.

Стадыён «Валгаград-Арэна» быў пабудаваны спэцыяльна к чэмпіянату сьвету ў футболе на месцы былога Цэнтральнага стадыёну на беразе Волгі. Ён быў уведзены ў эксплюатацыю ў красавіку 2018 году, у чэрвені тут прайшлі чатыры групавыя матчы чэмпіянату.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG