Лінкі ўнівэрсальнага доступу

Супрацоўнікі брытанскай амбасады ў Менску апрануліся ў колеры ЛГБТ-сьцяга


Сёньня ў Лёндане праходзіць штогадовы прайд у гонар дасягненьняў ЛГБТ-супольнасьці. Каб падтрымаць прайд, супрацоўнікі амбасады Вялікай Брытаніі ў Менску апрануліся ў колеры вясёлкавага сьцягу — сымбалю руху ЛГБТ.

На фота, апублікаваным на афіцыйнай старонцы амбасады ў фэйсбуку, ёсьць і сама амбасадарка Фіёна Гіб.

«Сёньня ў 46-ы раз праходзіць штогадовы Лёнданскі прайд у гонар гісторыі і дасягненьняў супольнасьці ЛГБТ. Каб падтрымаць Лёнданскі прайд, каманда амбасады Вялікай Брытаніі ў Беларусі апранулася ў колеры вясёлкавага сьцяга», — напісана пад фота на старонцы амбасады ў фэйсбуку.

Нагадаем, што 17 траўня, у Міжнародны дзень барацьбы з гамафобіяй, амбасады Вялікай Брытаніі і ЗША ў Менску вывесілі вясёлкавыя сьцягі. 20 траўня Міністэрства ўнутраных спраў апублікавала заяву, дзе назвала аднаполыя адносіны падробкай.

21 траўня кіраўнік МУС Ігар Шуневіч назваў вывешваньне міжнароднага сымбаля ЛГБТ-супольнасьці прапагандай «непрымальнага» ладу жыцьця. Праз два дні, 23 траўня, міністар замежных спраў Уладзімер Макей заявіў, што існуе шэраг рэчаў, «непрымальных» для беларускага мэнталітэту. Макей адзначыў важнасьць і неадназначнасьць тэматыкі «правоў мяншыняў».

Шуневіча назвалі аўтарам «гамафобнай заявы» МУС у міліцэйскім пратаколе

ЛГБТК-актывістка Віка Біран пра «любімага» міністра, сэкс і апазыцыю
пачакайце

No media source currently available

0:00 0:42:46 0:00

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG