Краіны Эўразьвязу падтрымалі пазыцыю канцлера Нямечыны Ангелы Мэркель ў справе больш хуткага вяртаньня мігрантаў у тыя краіны ЭЗ, дзе яны ўжо былі зарэгістраваныя.
Мэркель атрымала згоду 14 краін Эўразьвязу на паскарэньне працэдуры вяртаньня мігрантаў, якія спрабуюць уехаць у Нямеччыну. Пра гэта паведамляе агенцтва DPA са спасылкай на зварот Мэркель да партнэраў па ўнутрынямецкай кааліцыі.
«Асобы, якія шукаюць прытулку, якія прыбываюць у Германію, якія ўжо зарэгістраваліся ў іншых краінах ЭЗ, павінны быць дастаўленыя ў больш буйныя міграцыйныя цэнтры для рэгістрацыі», — таксама гаворыцца ў паведамленьні.
Паводле інфармацыі Deutsche Welle, падтрымку прапанове канцлера выказалі, у прыватнасьці, Вугоршчына, Польшча і Чэхія, якія раней былі вельмі крытычна настроены ў дачыненьні да міграцыйнай палітыкі Мэркель.
Раней Нямеччына дамовіліся аб супрацоўніцтве ў галіне міграцыйнай палітыкі з Іспаніяй і Грэцыяй. У прыватнасьці, гэтыя краіны пагадзіліся прымаць назад уцекачоў зь Нямеччыны, калі ўлады ФРН высьветляць, што іх дадзеныя ўжо ўнесеныя ў агульную базу просьбітаў прытулку ў Эўразьвязе.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў