Лінкі ўнівэрсальнага доступу

Урад вызначыў пералік пытаньняў да перапісу насельніцтва 2019 году


Перапіс насельніцтва пройдзе з 4 па 30 кастрычніка 2019 году.

У ходзе перапісу інфармацыя будзе зьбірацца адносна грамадзян Беларусі, замежных грамадзян і асоб без грамадзянства, якія пастаянна жывуць у краіне.

У пералік уключаныя пытаньні, якія тычацца асноўных дэмаграфічных характарыстык і характарызуюць міграцыйную актыўнасьць.

Нацыянальнасьць (этнічная прыналежнасьць) будзе вызначацца паводле самавызначэньня і жаданьня рэспандэнта, а для дзяцей ва ўзросьце да 14 гадоў — паводле вызначэньня бацькоў.

Таксама перапісчыкі спытаюць пра родную мову і мову, на якой рэспандэнт звычайна размаўляе дома.

Традыцыйна ў пералік уваходзяць пытаньні адносна адукацыі, сродкаў да існаваньня, занятасьці, колькасьці дзяцей, жыльлёвых умоў.

Асобным блёкам сабраныя пытаньні, якія тычацца сельскагаспадарчай дзейнасьці: наяўнасьць ва ўласнасьці або валоданьні, карыстаньні зямельных участкаў з указаньнем іх колькасьці, характарыстыка зямельных участкаў і мэты іх выкарыстаньня, наяўнасьць на зямельных участках пладова-ягадных насаджэньняў і кустоў на 1 кастрычніка 2019 году,

Таксама сельскіх жыхароў спытаюць пра колькасьць (плошчы) пладова-ягадных насаджэньняў, наяўнасьць і колькасьць у гаспадарцы жывёлы, птушкі і сем’яў пчолаў на 1 кастрычніка 2019 году.

Перапіс насельніцтва ў Беларусі праводзіцца кожныя 10 гадоў, пачынаючы з 1999 году. У кастрычніку 2017-га праведзены пробны перапіс у якасьці падрыхтоўкі да перапісу 2019 году.

Пра гэта інфармуе агенцтва «Інтэрфакс».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG