Лінкі ўнівэрсальнага доступу

Reuters: экс-кіраўнік кампаніі Трампа браў пазыку ў расейскага мільярдэра


15 чэрвеня былога кіраўніка кампаніі Дональда Трампа Пола Манафорта ўзялі пад варту праз абвінавачаньне ў магчымым умяшаньні ў сьведчаньні
15 чэрвеня былога кіраўніка кампаніі Дональда Трампа Пола Манафорта ўзялі пад варту праз абвінавачаньне ў магчымым умяшаньні ў сьведчаньні

Расейскі алігарх Алег Дзерыпаска пазычыў былому кіраўніку перадвыбарнага штабу прэзыдэнта ЗША Полу Манафорту 10 мільёнаў даляраў, паведамляе агенцтва Reuters са спасылкай на судовыя дакумэнты, зьвязаныя са справай Манафорта.

Паводле агенцтва, у заяве на атрыманьне ордэра на ператрус у кватэры падазраванага, апублікаванай 27 чэрвеня, гаворка ідзе пра тое, што пасьля вывучэньня падатковых дэклярацый кампаніі, якая належыць Манафорту і яго жонцы, стала вядома пра пазычаныя Дзерыпаскам грошы.

Расейскі мільярдэр мае сувязі з прэзыдэнтам Расеі Ўладзімірам Пуціным і сёлета трапіў у санкцыйны сьпіс ЗША.

Агенты ФБР правялі ператрус дома ў Манафорта ў ліпені 2017 году, паводле ордэра, ухваленага судзьдзёй. Як паведамляецца, пасьля правядзеньня рэйду спэцпрокурор ЗША Роберт Мюлер, які расьсьледуе магчымае ўмяшаньне Расеі ў выбары ў ЗША, атрымаў ключавыя доказы фінансавых сувязяў Манафорта зь Дзерыпаскам.

Паводле Reuters, новыя апублікаваныя судовыя дакумэнты паказваюць, што Дзерыпаска яшчэ ў 2005-2006 гадах падтрымліваў кансультацыйныя паслугі Манафорта ва Ўкраіне.

15 чэрвеня былога кіраўніка кампаніі Дональда Трампа Пола Манафорта ўзялі пад варту паводле абвінавачаньня ў магчымым ўмяшаньні ў сьведчаньні. Сьледчыя заяўляюць, што ён і яго расейскі дзелавы партнэр Канстанцін Кілімнік, якому таксама выставіў абвінавачаньні Мюлер, спрабавалі паўплываць на сьведкаў у справе аб адмываньні грошай, утойваньні ад падаткаў, змове і адсутнасьці рэгістрацыі ў якасьці замежнага агента.

У рамках расьсьледаваньня Мюлера Манафорту выстаўленыя абвінавачаньні ў змове супраць Злучаных Штатаў. Пачатак судовага працэсу прызначылі на верасень. Яшчэ адна справа супраць Манафорта вядзецца ў штаце Вірджынія, разгляд у судзе прызначаны на 25 ліпеня. Манафорт не прызнае сябе вінаватым ні ў воднай з гэтых справаў.

Трамп называў расьсьледаваньне супраць былога кіраўніка ягонай перадвыбарчай кампаніі «паляваньнем на ведзьмаў».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG