Чацьвёра дзяцей сталі ахвярамі злачынцы, які ўзяў іх у закладнікі падчас процістаяньня з паліцыяй. Пасьля забойства дзяцей злачынца пакончыў з сабой.
Паводле агенцтва France Press, iнцыдэнт пачаўся ў нядзелю, 10 чэрвеня ў горадзе Арланда ў Флорыдзе. Паліцыя атрымала паведамленьне аб хатнім гвалце і выехала на месца. У выніку страляніны адзін афіцэр паліцыі быў паранены і знаходзіцца ў шпіталі.
Злачынца быў ідэнтыфікаваны як 35-гадовы Гары Ліндсі, які знаходзіўся на выпрабавальным тэрміне пасьля адбыцьця пакараньня.
Паліцыю выклікала ягоная сужыцелька, якая уцякла з кватэры. Паведамляецца, што двое дзяцей былі ўласнымі дзецьмі Ліндсі, а іншыя двое — ягонай сужыцелькі. Ім было 1, 6, 10 і 11 гадоў.
У панядзелак у 21-й гадзіне вечара пасьля таго, як паліцыя ўбачыла ў захопленай кватэры цела аднаго дзіцяці, яна пачала штурм. Але знайшла ў кватэры толькі пяць трупаў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў