Лінкі ўнівэрсальнага доступу

Расейскі суд загадаў зьнішчыць карціну, на якой гніе Пуцін


Вара Міхайлава з карцінай «Дзевяць стадый гніцьця правадыра» на шэсьці ў Пецярбургу. Фота: Давід Фрэнкель, «Медиазона»

Расейскі суд пастанавіў зьнішчыць карціну «Дзевяць стадый гніцьця правадыра», якую актывістка Вара Міхайлава выкарыстоўвала ў якасьці пляката падчас шэсьця ў Пецярбургу 1 траўня. Суд таксама пастанавіў, што Міхайлава павінна выплаціць штраф 160 тысяч расейскіх рублёў (больш за 5 тысяч беларускіх) паводле артыкулу аб парушэньні парадку правядзеньне мітынгаў.

Карціну «Дзевяць стадый гніцьця правадыра» арт-групы «Родина» Міхайлава купіла на дабрачынным аўкцыёне. Крыніцай натхненьня для каляжу была вядомая карціна «Дзевяць стадый гніцьця гейшы».

На шэсьці ў Пецярбургу затрымаў яшчэ траіх актывістаў, якія разгарнулі вясёлкавы ЛГБТ-сьцяг, а таксама некалькі чалавек, якія трымалі сьцягі замежных дзяржаў. Суд спыніў справу супраць актывістаў зь вясёлкавымі сьцягамі, а ўдзельніку дэманстрацыі са сьцягам Вялікабрытаніі прысудзілі штраф 11 тысяч расейскіх рублёў (прыблізна 350 беларускіх).

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG