Палата прадстаўнікоў Кангрэсу ЗША падтрымала вайсковую дапамогу Ўкраіне на суму 250 мільёнаў даляраў. Законапраект прадугледжвае пастаўку сьмяротных абарончых узбраеньняў. Канкрэтныя віды зброі ў дакумэнце не пазначаныя.
Нягледзячы на падтрымку Палаты прадстаўнікоў, дакумэнт павінен быць ухвалены Сэнатам, які разглядае сваю вэрсію законапраекта. Перш, чым ініцыятыва накіруецца на подпіс прэзыдэнту, абедзьве вэрсіі законапраекта неабходна аб’яднаць у адну.
Раней Злучаныя Штаты забясьпечылі Кіеў снайпэрскімі вінтоўкамі і супрацьтанкавымі ракетамі Javelin. Усяго такіх комплексаў вырашылі паставіць 37. Згодна з дамоўленасьцямі з ЗША, армія Украіны ня будзе ўжываць комплексы Javelin супраць прарасейскіх сэпаратыстаў у Данбасе.