У анэксаваным Расеяй Крыме супрацоўнікі паліцыі затрымалі дэлегата Курултаю крымскататарскага народу Асана Эгіза. Пра гэта паведамляюць «Крым.Реалии».
Паводле інфармацыі выданьня, машыну Эгіза спынілі супрацоўнікі дарожна-паставой службы, яго пасадзілі ў службовы аўтамабіль і павезьлі ў невядомым кірунку. У мясцовым упраўленьні Фэдэральнай службы бясьпекі заявілі, што да іх не дастаўлялі крымскататарскага актывіста.
Пасьля расейскай анэксіі ў Крыме пачасьціліся ператрусы і арышты актывістаў крымскататарскага нацыянальнага руху, а таксама крымскіх мусульман, якіх падазраюць у сувязях з забароненай у Расеі арганізацыяй «Хізб ут-Тахрыр».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў