Падзеі 23 траўня ў беларускай і сусьветнай гісторыі.
Дата дня
23 траўня 1753 году памерла Францішка Ўршуля Радзівіл, пісьменьніца і драматург з роду Вішнявецкіх. У 1725 годзе Францішка Ўршуля ажанілася зь Міхалам Казімірам Рыбанькай і пераехала ў Нясьвіж. Там яна спрычынілася да пашырэньня асьветы, значна папоўніла замкавую бібліятэку, а таксама спрыяла аднаўленьню дзейнасьці Нясьвіскай друкарні.
Дзень у гісторыі
1618 — пратэстанцкая шляхта Прагі захапіла ўладу і выкінула каталіцкіх прадстаўнікоў у акно праскай гарадзкой залі, што стала пачаткам Трыццацігадовай вайны ў Эўропе.
1761 — Шчучын атрымаў герб.
1910 — Янка Купала скончыў працу над паэмай «Курган».
1923 — у Менску адкрылася першая ашчадная каса.
У гэты дзень нарадзіліся
1707 — Карл Лінэй, швэдзкі прыродазнаўца. стваральнік сыстэмы клясыфікацыі расьліннага і жывёльнага сьвету.
У памяці
1173 — Эўфрасіньня Полацкая, княжна, беларуская сьвятая.
1946 — Кастусь Езавітаў, беларускі палітычны, грамадзкі і вайсковы дзяяч, адзін з удзельнікаў абвяшчэньня Беларускай Народнай Рэспублікі.
У 1919-1920 гадах падчас кіраваньня Вайскова-дыпляматычнай місіяй БНР у Латвіі і Эстоніі Езавітаў наладзіў дыпляматычныя стасункі з урадамі Ўкраіны, Літвы, Латвіі, Эстоніі і Фінляндыі, зьвяртаўся з просьбай аб ваеннай дапамозе да ўраду ЗША. Праводзіў працу па арганізацыі беларускага войска, пошуку сродкаў на яго ўзбраеньне. Арганізаваў пераход на службу БНР корпуса Станіслава Булак-Балаховіча. У траўні 1920 «за выдатную працу на карысьць Беларускай Народнай Рэспублікі» Езавітаў атрымаў званьне генэрал-маёра.
