Лінкі ўнівэрсальнага доступу

Дэпутаты сёньня не зьбіраюцца разглядаць ні «наркатычны» артыкул, ні зьмены да закону аб СМІ


Авальная заля Палаты прадстаўнікоў

17 траўня Палата прадстаўнікоў правядзе чарговае пленарнае пасяджэньне. Як стала вядома Свабодзе, у папярэднім парадку дня няма ні абмеркаваньня зьменаў у 328 артыкул Крымінальнага кодэксу, які ў народзе ўжо празвалі «наркатычным», ні зьменаў да закону аб СМІ.

У профільных камісіях Палаты Свабодзе сказалі, што зьмены да Крымінальнага кодэксу паступілі з ураду літаральна некалькі дзён таму, і патрэбны час для іх вывучэньня. А што тычыцца зьменаў да мэдыйнага закону, то працоўная група, якая ім займаецца, шмат дыскутуе, і таму там таксама не пасьпеюць падрыхтаваць неабходныя дакумэнты.

Аднак тое, што ўчора прапанавалі дэпутатам для разгляду на 17 траўня, можа быць і дапоўнена нечым новым. Таму канчатковы парадак дня стане вядомы пасьля 10-й гадзіны раніцы ў чацьвер.

У папярэднім парадку дня — дзевяць пытаньняў

Так, у першым чытаньні плянуецца разгледзець законапраект «Аб унясеньні зьмяненьняў і дапаўненьняў у некаторыя законы Рэспублікі Беларусь у пытаньнях рэгуляваньня жыльлёвых дачыненьняў». У другім чытаньні абмяркуюць зьмены да закону «Аб абароне правоў спажыўцоў» і зьмены да Паветранага кодэксу. Акрамя таго, дэпутаты зьбіраюцца ратыфікаваць шэраг міжнародных дамоваў — з такімі краінамі, як Грузія, Мазамбік, Намібія.

Авальная заля закрытая для ўсіх

Традыцыйна дэпутаты беларускага парлямэнту, незалежна ад таго, як ён называўся — Вярхоўны Савет БССР, Вярхоўны Савет Рэспублікі Беларусь ці Палата прадстаўнікоў, — праводзяць свае паседжаньні ў так званай Авальнай залі Дому ўраду. Але цяпер яна зачыненая на рамонт. Паводле неафіцыйнай інфармацыі, рамонт можа скончыцца альбо да 1 студзеня 2019 году, альбо да 2 красавіка 2019 году, калі пачынаецца веснавая сэсія Палаты прадстаўнікоў.

Міністар інфармацыі паабяцаў, што зьмены ў закон аб СМІ будуць адкарэктаваныя

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG