Лінкі ўнівэрсальнага доступу

Абураныя звалкай жыхары Падмаскоўя пачалі страляць у сьмецьцявозы


Пратэст у Валакаламску 1 красавіка 2018 году.

У маскоўскім абласным упраўленьні МУС пацьвердзілі факт абстрэлу сьмецьцявоза ў Валакаламскім раёне Падмаскоўя.

«На Валакаламскай шашы каля павароту на станцыю Матроніна невядомы з лесапаласы зрабіў стрэл з неўсталяванай зброі ў кіроўцу сьмецьцявоза. Кіроўца атрымаў раненьне рукі», — сказаў «Інтэрфаксу» супрацоўнік прэс-службы абласнога ўпраўленьня МУС.

Вядзецца пошук стралка, верагодна, будзе распачата крымінальная справа. Раней са спасылкай на абазнаную крыніцу паведамлялася, што невядомыя абстралялі сьмецьцевую фуру, якая ехала на палігон «Ядрава» ў Валакаламскім раёне Падмаскоўя.

У суботу ў Валакаламску прайшоў чарговы мітынг з патрабаваньнем зачыніць палігон «Ядрава». Сытуацыя ў Валакаламску абвастрыўся ў сакавіку 2018 году пасьля выкідаў звалачнага газу на прыгараднай сьмецьцевай звалцы. Да мэдыкаў са скаргамі на дрэннае самаадчуваньне зьвярнулася мноства дзяцей. У раёне пачаліся мітынгі пратэсту з патрабаваньнем зачыніць палігон.

14 красавіка стары ўчастак палігону перастаў прымаць сьмецьце. Дастаўка сьмецьця прадоўжылася на новы ўчастак, пабудаваны, як афіцыйна сьцьвярджалася, «па сучасных тэхналёгіях» інфармуе «Інтэрфакс».

Праблема абароны навакольны асяродзьдзя ў сувязі з несанкцыянаванымі сьмецьцевымі звалкамі стала адной з асноўных праблем унутранай палітыкі Крамля.

Так, у першым прэзыдэнцкім указе, апублікаваным пасьля інаўгурацыі Ўладзіміра Пуціна, нароўні з неабходнасьцю вырашэньня эканамічных і сацыяльных праблем, гаворыцца аб неабходнасьці «ліквідаваць усе несанкцыянаваныя звалкі ў гарадах».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG