Лінкі ўнівэрсальнага доступу

Курс расейскага рубля да беларускага — антырэкорд 2018 году


На 10 красавіка Нацыянальны банк вызначыў курс расейскага рубля да беларускага рэкордна нізкім ад пачатку 2018 году.

100 расейскіх рублёў 10 красавіка будуць роўныя 3,3590 беларускага рубля, даляр — 1,9757, эўра — 2,4227.

Кошт расейскага рубля да беларускай валюты цяпер дасягнуў гістарычнага мінімуму за пэрыяд ад 22 чэрвеня 2017 году, тады за 100 расейскіх рублёў давалі 3,2062 беларускіх. Найдаражэйшым у 2018 годзе расейскі рубель быў 11 студзеня — 3,5423 беларускага рубля за 100 расейскіх. З пачатку году расейскі рубель патаньнеў да беларускага на 2%.

У 2018 годзе эўра да беларускага рубля ўмацаваўся на 2,86%, даляр — на 0,15%.

9 красавіка расейскія фондавыя рынкі перажылі рэкордны абвал за 4 гады.

Цяперашняе падзеньне зьвязваюць зь нядаўнім «дапаўненьнем» санкцый ЗША супраць расейскага бізнэсу. Прынцыповае адрозьненьне новага пакету амэрыканскіх санкцый супраць Расеі палягае ў тым, што Вашынгтон упершыню ўнёс у чорны сьпіс прыватныя кампаніі. Абмежаваньні супраць мільярдэра Алега Дзерыпаскі і падкантрольных яму актываў сталіся настолькі шырокімі, што паўстае пытаньне наконт пэрспэктыў выжываньня ягонай бізнэс-імпэрыі. 9 красавіка акцыі кампаніі Дзерыпаскі UC Rusal упалі адразу на 41%

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG