Як напісала Герашчанка ў Фэйсбуку, у Салашэнкі быў рак.
У кастрычніку 2015 году расейскі суд прысудзіў Салашэнку да шасьці гадоў калёніі строгага рэжыму па абвінавачваньні ў шпіянажы на карысьць Украіны. Фэдэральная служба бясьпекі Расеі заяўляла, што Салашэнка дзейнічаў ад імя дзьвюх украінскіх прадпрыемстваў, каб купіць запчасткі да комплексаў супрацьпаветранай абароны Ўкраіны. Як сьцьвярджала ФСБ — незаконна. Расейскія праваабаронцы зьвярталі ўвагу, што ў ходзе разгляду справы Салашэнкі яго правы шматкроць парушаліся.
14 чэрвеня 2016 года Юрыя Салашэнку і яшчэ аднаго ўкраінца, які адбываў пакараньне ў расейскай турме, крымскага актывіста — Генадзія Афанасьева абмянялі на прарасейскіх актывістаў з Адэсы. Раней яны былі памілаваныя прэзыдэнтам Расеі Ўладзімірам Пуціным.
Даведаўшыся пра сьмерць Салашэнкі Афанасьеў напісаў у фэйсбуку: «Толькі што памёр Юры Данілавіч Салашэнка. Наш Герой. Палітвязень, які трапіў у расейскі палон у свае семдзесят чатыры гады. Ён прайшоў яго цалкам. Годна... да апошняга ўздыху, застаючыся сапраўдным украінцам — ганарлівым, сарамлівым, ветлівым і нязломным. Ніколі не забуду, як, узьлятаючы над праклятай Масквой, ён крычаў: «Бывай, нямытая Расея».