Лінкі ўнівэрсальнага доступу

Ужо сёньня: прэзэнтацыя кнігі «Падарожжа ў БНР»


Падзеі 20 сакавіка ў беларускай і сусьветнай гісторыі.

Афіша

20 сакавіка ў Менску пройдзе прэзэнтацыя кнігі Сяргея Шупы «Падарожжа ў БНР». Урыўкі з архіўнага раману пра Беларускую народную рэспубліку публікаваліся на сайце Радыё Свабода. 23 сакавіка прэзэнтацыя кнігі пройдзе ў Горадні.

На імпрэзе таксама будзе прэзэнтавана кніга ўспамінаў старшыні Рады БНР Івонкі Сурвілы «Дарога. Стоўпцы — Капэнгагэн — Парыж — Мадрыд — Варшава — Менск». Кнігі з сэрыі «Бібліятэка Свабоды» можна спампаваць тут.

Як дайсьці да пляцоўкі ОК16
Як дайсьці да пляцоўкі ОК16

Менск, Культурны інкубатар ОК16 (вул, Кастрычніцкая, 16).

Пачатак а 19-й гадзіне.

Уваход вольны.

Дата дня

20 сакавіка 1767 году для ўраўнаньня правоў каталікоў і некаталікоў з ініцыятывы расейскага ўраду была створана Слуцкая канфэдэрацыя. Вынікам канфэдэрацыі было ўраўнаньне ў Рэчы Паспалітай правоў праваслаўных і пратэстантаў з каталікамі.

Таксама ў гэты дзень

1815 — Напалеон увайшоў у Парыж пасьля высылкі на выспу Эльба. Гэта падзея ўвайшла ў францускую гісторыю як пачатак «ста дзён» Напалеона.

1933 — у Дахаў пачаў функцыянаваць першы ў нацысцкай Нямеччыне канцэнтрацыйны лягер.

1988 — у Менску на месцы Менскага замчышча адбыўся мітынг у абарону гістарычнага Верхняга гораду і супраць будаўніцтва станцыі мэтро «Няміга».

2003 — пачатак вайсковай апэрацыі ЗША, Вялікабрытаніі, Аўстраліі і Польшчы ў Іраку.

У гэты дзень нарадзіліся

1828 — Генрык Ібсэн, нарвэскі драматург.

У памяці

1922 — ад сухотаў памёр Аляксандар Бурбіс, беларускі грамадзка-палітычны і культурны дзяяч.

1976 — памёр Уладзімер Дубоўка, беларускі літаратар і перакладчык.

Уладзімер Дубоўка. Фота з фондаў БДАМЛМ
Уладзімер Дубоўка. Фота з фондаў БДАМЛМ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG