18 сакавіка, у Львове каля паўсотні грамадзкіх актывістаў арганізацыяў «Правы сэктар», АУН, «Нацыянальны корпус», «Свабода» пікетуюць будынак Генэральнага консульства Расеі.
Яны заблякавалі ўваход у будынак, разьвесілі фатаграфіі зоны баявых дзеяньняў на Данбасе, каб яшчэ раз падкрэсьліць, што там прысутнічаюць расейскія салдаты. Таксама вакол будынку консульства разьмешчаны плякаты з лёзунгамі — «Ніводнага голасу акупантам», «Крым — гэта Ўкраіна», «Выбараў Пуціна тут ня будзе», «Маскоўскія сьвіньні, прэч з Украіны», «Чамадан, вакзал, Расея».
Актывісты ў знак пратэсту супраць агрэсіўных дзеяньняў Расеі ў сьвеце спалілі каля консульства сымбалічны «Крэмль», зроблены зь дзіцячага канструктару.
Супраць выбараў расейскага прэзыдэнта пратэставалі сёньня і пад сьценамі амбасады Расеі ў Кіеве.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў