Лінкі ўнівэрсальнага доступу

Пацярпелыя праз абвал даху на коўзанцы ў Гомлі адпушчаныя са шпіталю


Фота 112.by

Як паведамілі БелТА ва ўпраўленьні аховы здароўя Гомельскага аблвыканкаму, чацьвёра пацярпелых сёньня былі выпісаныя дадому.

Усім пацярпелым аказаная мэдычная дапамога. Пасьля агляду чацьвёра зь іх, у тым ліку і дзеці 7 і 11 гадоў, адпушчаныя са шпіталю.

Адно дзіця, якому пашкодзіла вочы, накіраванае на кансультацыю да афтальмоляга.

Увечары 10 сакавіка ў Гомлі на крытай коўзанцы на Рэчыцкім праспэкце пад цяжарам сьнегу абрынуўся дах крытага катку. Нацягнутая пад арачнымі дугамі парусіна ня вытрымала і абарвалася з двух бакоў арачных дугаў.

Цяпер коўзанка закрытая для праверкі бясьпекі.

На крытай коўзанцы ў Гомлі абрынуўся сьнег з даху, ёсьць пацярпелыя, сярод іх — дзеці

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG