Лінкі ўнівэрсальнага доступу

Адзін з кіраўнікоў Палаты прадстаўнікоў назваў цынізмам марш у Гайнаўцы, дзе гераізуюць забойцу беларусаў


Старшыня Пастаяннай камісіі Палаты прадстаўнікоў Нацыянальнага сходу Беларусі па міжнародных справах Валерый Варанецкі абураны намерам польскіх нацыяналістаў правесьці праварадыкальны марш у польскай Гайнаўцы, паведамляе Белта.

«Мяркуючы па рэкляме маршу ў сацсетках, яго мэтай зьяўляецца гераізацыя асобных дзеячаў польскага пасьляваеннага падпольля, сярод якіх адмысловае месца займае ваенны злачынец і арганізатар рэпрэсій у дачыненьні да праваслаўнага насельніцтва Падляшша Рамуальд Райс, больш вядомы пад псэўданімам Буры» — адзначыў Варанецкі.

«Палякі часта маўчаць пра свае правіны, але гучна б’юць кулаком у чужыя грудзі». Вялікая гутарка з польскім гісторыкам

Дэпутат нагадаў, што Рамуальд Райс «вызначыўся» тым, што забіваў з асаблівай жорсткасьцю пераважна этнічных беларусаў праваслаўнага веравызнаньня і спальваў разам зь іх жыхарамі цэлыя вёскі.

Ён назваў правакацыяй акцыю ў горадзе, дзе большасьць насельніцтва мае беларускія карані.

«І асабліва цынічна, што яна плянуецца на фоне прынятага ў Польшчы закона пра крымінальны перасьлед за прапаганду так званай бандэраўскага ідэалёгіі »- дадаў Варанецкі.

Ваша меркаваньне

Паказаць камэнтары

XS
SM
MD
LG