Яго фатаграфіі ўваходзяць у сусьветны гістарычны фотаархіў.
Ляўрэат Пулітцэраўскай прэміі, фатограф Макс Дэсфор памёр на 105-м годзе жыцьця ў сваім доме ў Сылвэр-Спрынг (штат Мэрылэнд). Пра гэта агенцтву Associated Press паведаміў сын фотарэпартэра Бары.
Макс Дэсфор працаваў фотакарэспандэнтам AP у 1933–1978 гадах, затым перайшоў у часопіс U.S. News & World Report. Дэсфор атрымаў вядомасьць у якасьці аўтара здымку экіпажу бамбавіка B-29, які скінуў атамную бомбу на Хірасіму. Пулітцэраўскую прэмію Макс Дэсфор атрымаў за сэрыю здымкаў пра вайну ў Карэі.