Лінкі ўнівэрсальнага доступу

Андэрс Брэйвік упершыню раскаяўся за забойствы ў Осла і на востраве Утэя


Архіўнае фота. Андэрс Брэйвік на слуханьнях пра цяжкія ўмовы ўтрыманьня ў турме Шыен (Skien). 10 студзеня 2017 году

Нарвэжац Андэрс Брэйвік упершыню раскаяўся ў забойстве 77 чалавек, якое ён зьдзейсьніў амаль сем гадоў таму. Пра гэта паведамляе выданьне Verdens Gang са спасылкай на ліст асуджанага начальству турмы.

Брэйвік сьцьвярджае, што пакінуў радыкальную нацыяналістычную ідэалёгію і марыць, каб падзеяў 2011 году ніколі не было. Судовыя псыхіятры лічаць, што асуджаны хоча дамагчыся паблажкі скараціць сабе тэрмін зьняволеньня. Раней Брэйвік заяўляў, што ў турме ягоныя погляды сталі яшчэ больш радыкальнымі, чым калі ён зьдзейсьніў напад.

У чэрвені мінулага году вярхоўны суд Нарвэгіі адмовіўся разглядаць скаргу Брэйвіка на ўмовы ўтрыманьня пад вартай. Раней раённы суд у Осла палічыў іх негуманнымі і пастанавіў кампэнсаваць асуджанаму судовыя выдаткі ў памеры 35 тысяч эўра, але гэта рашэньне пазьней было адменена.

Нарвэгія выдаткоўвае на Брэйвіка як Беларусь на 500 вязьняў

У 2011 годзе Брэйвік зьдзейсьніў выбух у Осла і адкрыў страляніну ў моладзевым лягеры на востраве Утэя. Усяго 77 чалавек загінулі, больш за 150 атрымалі раненьні. Тэрарыст прызнаў сваю віну і быў прысуджаны да 21 год зьняволеньня. Гэты тэрмін можа падаўжацца па рашэньні суда.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG