Лінкі ўнівэрсальнага доступу

Белы дом: Ізраіль мае права на самаабарону


Прэс-сакратар Белага дома ў нядзелю выступіў з заявай, якая пацьвярджае, што «Ізраіль зьяўляецца верным саюзьнікам ЗША і што ЗША падтрымліваюць яго права абараняцца ад сырыйскіх войскаў і рэгулярных фарміраваньняў на поўдні Сырыі, якія падтрымлівае Іран».

Гэта заява прагучала пасьля суботняга ўдару Ізраіля прыблізна па дзясятку іранскіх і сырыйскіх аб’ектах у Сырыі. Ізраіль нанёс паветраныя ўдары пасьля таго, як ізраільскі вайсковы самалёт быў зьбіты зэнітным агнём.

Улады Ізраілю патлумачылі прычыны авіяўдару па Сырыі

У сваёй заяве Белы дом заклікае «Іран і яго саюзьнікаў спыніць правакацыі і ўключыцца ў працу па ўсталяваньні міру ў рэгіёне».

Прэм’ер-міністар Ізраіля Біньямін Нэтаньягу заявіў на пасяджэньні кабінэта ў нядзелю:

«Мы будзем і далей наносіць шкоду тым, хто спрабуе нанесьці шкоду нам. Такой наша палітыка была, і такой яна будзе і надалей».

У суботу міністэрства абароны ЗША таксама заявіла, што Ізраіль мае права абараняцца ад актаў агрэсіі.

XS
SM
MD
LG