Прэсьненскі раённы суд у Маскве асудзіў былога губэрнатара Кіраўскай вобласьці Мікіту Бялых на 8 гадоў калёніі строгага рэжыму.
Паводле суду, Мікіта Бялых асабіста і праз пасярэдніка атрымаў хабар 600 тысяч эўра за спрыяньне бізнэсу.
На судзе Мікіта Бялых заявіў, што ніколі ня браў хабару. Ён доўгі час трымаў галадоўку ў зьняволеньні.
З 2005 па 2008 гады Бялых — лідэр партыі «Саюз правых сілаў», раней старшыня пермскага рэгіянальнага аддзяленьня «Саюзу правых сілаў», з 2004 года ўваходзіў у склад Фэдэральнай палітычнай рады СПС. З 2009 — губэрнатар Кіраўскай вобласьці.