Лінкі ўнівэрсальнага доступу

Сваякі загінулых з рэйсу MH17 у ЗША выйгралі суд супраць Гіркіна-Стралкова


Сваякі ахвяр MH17 выйгралі судовы працэс у Злучаных Штатах, які дае ім права на сотні мільёнаў даляраў кампэнсацыі, паведамляе галяндзкая тэлевізійная праграма Zembla на падставе прадстаўленых судовых дакумэнтаў.

Як перадае NL Times, у гэтай позьве, пададзенай супраць Ігара Гіркіна (Стралкова), лідэра прарасейскіх сэпаратыстаў ва Ўкраіне, удзельнічала 25 сваякоў загінулых, у тым ліку 10 галяндцаў. Суд у амэрыканскім штаце Ілінойс пастанавіў, што кожны сваяк мае права на кампэнсацыю ў памеры 20 мільёнаў даляраў.

Паводле Zembla, Гіркін не прысутнічаў на судовым працэсе, а знайсьці яго па хатнім маскоўскім адрасе не ўдалося. Таму верагоднасьць таго, што сваякі атрымаюць шкоду, на які яны маюць права, вельмі малая.

«Гэта [судовае рашэньне] было не пра колькасьць грошаў», – сказаў Zembla Флойд Віснер, амэрыканскі адвакат, які прадстаўляў інтарэсы членаў сямьі ў гэтым пазове. «Вялікая сума грошай была агучана толькі для таго, каб зрабіць уражаньне, давесьці гэта да сусьветнага ўзроўню. Гэта важна. Мэта складалася не ў тым, каб сапраўды спагнаць такую суму з Гіркіна, а каб паспрабаваць дамагчыся справядлівасьці для гэтых сем'яў. Каб праліць сьвятло на страшную трагедыю, якую яны перажылі, і прымусіць свет засяродзіцца на ёй, каб прыцягнуць да адказнасьці людзей, такіх як Гіркін».

Галяндцы, якія падавалі гэты пазоў, засталіся задаволеныя прысудам. «Мы разумеем, што не атрымаем грошы, таму што нельга абабраць лысае кураня. Калі ёсьць нешта, што мы можам прыдумаць, каб зрабіць жыцьцё вінаватых не такім добрым, мы ня будзем гэта ігнараваць» , – сказала Сільнэ Фрэдрыкс, маці ахвяры MH17 Брайс Фрэдрыкс.

«Гэта адзін са спосабаў утрымаць гэтае пытаньне на парадку дня, і гэта цалкам законна», – сказаў Zembla старшыня фонду Vliegramp MH17 Піт Плоэг. «Меркаваньні па гэтай справе моцна адрозьніваюцца. Пытаньне ў тым, ці будзе гэта рашэньне мець які-небудзь эфэкт. У якасьці Фонду мы не займаем пасад па судовых справах. Гэта выбар сваякоў, да якіх яны далучацца. Важна сачыць за тым, што адбылося, і важна захаваць гэтую тэму».

Рэйс Malaysian Airlines пад нумарам MH17 Амстэрдам – Куала-Лумпур быў зьбіты над усходняй Украінай 17 ліпеня 2014 году. Усе 298 чалавек на борце самалёта загінулі, у тым ліку 196 галяндцаў. Расследаваньні паказваюць, што Boeing 777 быў збіты ракетнай сыстэмай Бук, выпушчанай з тэрыторыі, падкантрольнай прарасейскім сэпаратыстам. Сьледчым таксама ўдалося адсачыць транспарціроўку ракеты Бук з Расеі на кропку запуску і назад.

Ваша меркаваньне

Паказаць камэнтары

XS
SM
MD
LG