Лінкі ўнівэрсальнага доступу

У Аўганістане жалоба пасьля тэракту, ад якога загінулі больш за 100 чалавек


Урад Аўганістану абвясьціў 28 студзеня днём жалобы пасьля таго як напярэдадні ў сталіцы краіны, Кабуле, ад выбуху загінулі больш за 100 чалавек.

27 студзеня ў цэнтры Кабулу адбыўся магутны выбух. Напад адбыўся на шматлюднай плошчы Садарат, каля шматлікіх урадавых будынкаў, замежных пасольстваў і крамаў. Паводле зьвестак МУС, баявік-самагубца скарыстаўся «хуткай», каб праехаць праз пункты пропуску.

Групоўка «Талібан» узяла адказнасьць за напад.

Гэтая атака адбылася праз тыдзень пасьля нападу на гатэль Intercontinental у Кабуле, у выніку якога загінулі як найменей 30 чалавек, сярод іх 14 — замежнікаў, у тым ліку — украінцы. Адказнасьць за тэракт таксама ўзяла на сябе групоўка «Талібан».

XS
SM
MD
LG