Лінкі ўнівэрсальнага доступу

Актывісты «Маладога Фронту» паставяць дабрачынны спэктакль


Арганізацыя "Малады Фронт" праводзіць акцыю #СьвятаНезалежнасьці

Удзельнікі незарэгістраванай арганізацыі выступяць у ролі актораў, сцэнарыстаў і нават дэкаратараў.

28 студзеня ў менскім клюбе «Бругге» актывісты незарэгістраванай арганізацыі Малады Фронт паставяць спэктакль «Малы і Карлсан з даху». Падчас яго будзе арганізаваны збор сродкаў і рэчаў для дзіцячых дамоў.

«Мы самі ўсё зрабілі. Акторы ўсе з „Маладога Фронту“, рэжысёр, я сцэнар сама пісала па кнізе, адаптавала тэкст для пастаноўкі, — расказвае Свабодзе кіраўніца праэкту Хрысьціна Самойлава. — Нават дэкарацыі самі малявалі і рабілі, усё сваімі рукамі. Хочам такім чынам сабраць грошы і рэчы для дзяцей».

Фота facebook.com/palchys
Фота facebook.com/palchys

«Малы і Карлсан» — трылёгія швэдскай пісьменьніцы Астрыд Ліндгрэн, выдадзеная ў сярэдзіне 20 стагоддзя. У творы расказваецца пра сяброўства малога хлопчыка і незвычайнага жыхара стакгольмскіх дахаў. Кнігі пра іх прыгоды перакладзеныя на многія мовы сьвету, у 2007 годзе выйшла кніга «Малы і Карлсан-з-даху» па-беларуску ў перакладзе Юрыя Жалезкі.

Ваша меркаваньне

Паказаць камэнтары

XS
SM
MD
LG