Лінкі ўнівэрсальнага доступу

Па крымінальнай справе прафсаюзу РЭП апыталі каля 100 чалавек


Генадзь Фядыніч у офісе прафсаюзу радыёэлектроннай прамысловасьці пасьля ператрусу

Такую лічбу назваў Свабодзе лідэр незалежнага прафсаюзу радыёэлектроннай прамысловасьці (РЭП) Генадзь Фядыніч.

Ён удакладніў, што раней па крымінальнай справе Сьледчы камітэт апытваў толькі актывістаў зь Менску:

«Але апошнім часам сьледчыя пачалі масавым парадкам выцягваць нашых людзей з рэгіёнаў, шараговых сябраў прафсаюзу. Рэгіянальныя падразьдзяленьні Сьледчага камітэту падключыліся да справы. Нас папрасілі даць дадзеныя на чальцоў прафсаюзу. Мы адмовіліся. Але ў нас жа канфіскавалі кампутары. І, мабыць, адтуль і ўзялі нашу базу дадзеных. Яна там састарэлая. Падаецца, што якраз ёй і карыстаюцца», — кажа Фядыніч.

Ён кажа, што гэта робіцца дзеля таго, каб запалохаць сябраў прафсаюзу і дыскрэдытаваць незалежныя прафсаюзы, зьнізіць іхную актыўнасьць.

Фядыніч заўважае: набліжаецца час, да якога гэтая справа працягнутая, — 2 лютага. Таму сьледчыя, лічыць ён, і сьпяшаюцца. Дагэтуль прафсаюзам не вярнулі ні кампутары, ні мабільныя тэлефоны, ні дакумэнты, забраныя падчас ператрусу. «І гэта, безумоўна, перашкаджае нам працаваць», — кажа лідэр прафсаюзу РЭП.

Сёньня прэзыдыюм незалежнага прафсаюзу аднагалосна прыняў заяву, у якой папярэджвае ўладу, што такія паводзіны сьледчых нэгатыўна паўплываюць на імідж Беларусі. Прафсаюз вырашыў праінфармаваць пра цяперашнюю сытуацыю шэраг міжнародных арганізацый.

Як пачыналася справа

2 жніўня 2017 году Дэпартамэнт фінансавых расьсьледаваньняў Камітэту дзяржаўнага кантролю правёў ператрусы ў офісе РЭП, а таксама дома ў старшыні прафсаюзу Генадзя Фядыніча і галоўнага бухгальтара Ігара Комліка. Затым было абвешчана, што ў дачыненьні да абодвух заведзена крымінальная справа паводле часткі 2 артыкула 243 (ухіленьне ад выплаты сумаў падаткаў, збораў у асабліва буйным памеры) Крымінальнага кодэксу Рэспублікі Беларусь.

Ігар Комлік правёў за кратамі два месяцы, Генадзь Фядыніч цяпер пад падпіскай аб нявыезьдзе. Абодва лічаць сябе невінаватымі і выплачваць налічаныя ім падаткі не зьбіраюцца.Сьледчы камітэт працягнуў справу прафсаюзных лідэраў да 2 лютага 2018 году.

Што такое прафсаюз РЭП і чаму яго перасьледуюць

Ваша меркаваньне

Паказаць камэнтары

XS
SM
MD
LG