Лінкі ўнівэрсальнага доступу

У Расеі ў школу ўварваўся падлетак зь сякерай і «кактэйлем Молатава»


Школа в Сасновым бары ў Улан-Удэ

Сёньня раніцай у адну са школаў Улан-Удэ ў Сасновым бары ўварваўся падлетак зь сякерай і кактэйлем «Молатава». Пра гэта са спасылкай на мясцовае МУС паведамляе інтэрнэт-выданьне «Сибирь.Реалии».

У школу № 5 увайшоў вучань 9 клясы з «кактэйлем Молатава» і сякерай. Ён закінуў гаручую сумесь у клясу на трэцім паверсе і параніў некалькіх школьнікаў. З будынка, які загарэўся, эвакуявалі больш за 500 чалавек.

У Міністэрстве аховы здароўя паведамілі, што падчас нападу пацярпелі чатыры чалавекі. Дзевяціклясьнік, які ўварваўся ў школу зь сякерай, затрыманы, перадае мясцовы Сьледчы камітэт. Заведзена крымінальная справа паводле артыкулу «Замах на забойства дзьвюх і больш асобаў, зроблены ў дачыненьні да малалетніх».

Паводле дадзеных ураду Бураціі, нападнікаў было трое, паліцыя вядзе пошукі яшчэ двух чалавек.

15 студзеня ў школе № 127 у Матавіліхінскім раёне Пермі двое падлеткаў напалі з нажамі на вучняў 4 клясы і настаўнікаў. Паранілі 15 чалавек: восем школьнікаў цяпер знаходзяцца ў дзіцячым шпіталі краю, адно дзіця накіравалі на абсьледаваньне ў Маскву. Пэдагог, якая абараніла дзяцей, пасьля апэрацыі апрытомнела. Абодва падлеткі, якія напалі на школу, арыштаваныя судом на два месяцы. Заведзена крымінальная справа паводле артыкулу «Замах на забойства некалькіх чалавек па папярэдняй змове».

XS
SM
MD
LG