Лінкі ўнівэрсальнага доступу

На расейца, які напісаў вершы ў падтрымку Ўкраіны, завялі новую справу


Аляксандар Быўшаў (справа) у судзе

Супраць жыхара расейскага гораду Арол Аляксандра Быўшава, якога абвінавацілі ў распальваньні нянавісьці за верш «На независимость Украины», пачалі справу аб перашкодзе сьледзтву. Падсудны распавёў выданьню «ОВД-Инфо», што падставай паслужылі яго кантакты з журналістамі і публікацыя інфармацыі пра судовы працэс.

Паводле Быўшава, які знаходзіцца пад хатнім арыштам, абвінавачваньне дамагаецца, каб яго зьмясьцілі ў сьледчы ізалятар і канфіскавалі ў яго кампутар.

Да жніўня 2014 году Аляксандар Быўшаў працаваў настаўнікам нямецкай мовы ў сярэдняй школе, аднак пасьля публікацыі ў мясцовай газэце «Заря» верша «Украинским патриотам» яго адхілілі ад працы, а былыя калегі і вучні выступілі супраць яго ў судзе.

Вершы «Украинским патриотам» і «Украинские повстанцы», у якіх асуджаюцца дзеяньні Расеі ў адносінах да Ўкраіны і анэксія Крыму, прызнаныя экстрэмісцкімі. Сам паэт унесены ў фэдэральны спіс экстрэмістаў, яго банкаўскія рахункі заблякаваныя.

Улетку 2015 года Быўшава за вершы асудзілі на 300 гадзін абавязковых работ паводле артыкулу аб «распальваньні нянавісьці ці варожасьці» у дачыненьні да групы асоб «расейцы».

Ваша меркаваньне

Паказаць камэнтары

XS
SM
MD
LG