Лінкі ўнівэрсальнага доступу

Зь лютага беларусы змогуць езьдзіць у Ганконг бязь візы


Навагоднія сьвяткаваньні ў Ганконгу

Пагадненьне паміж урадамі Беларусі і Ганконгу аб адмене візавых патрабаваньняў уступае ў сілу з 13 лютага, паведаміў сёньня на брыфінгу прэсавы сакратар Міністэрства замежных спраў Дзьмітры Мірончык.

«У адпаведнасьці з гэтым пагадненьнем грамадзяне Беларусі і грамадзяне Кітайскай Народнай Рэспублікі, якія з’яўляюцца сталымі жыхарамі Ганконгу, атрымаюць права ўяжджаць, выяжджаць, знаходзіцца і праяжджаць транзытам бяз візаў на працягу тэрміну, які не перавышае 14 дзён», — заявіў афіцыйны прадстаўнік замежнапалітычнага ведамства.

На пытаньне Свабоды, калі падобнае пагадненьне пачне дзейнічаць з Аб’яднанымі Арабскімі Эміратамі — краінай, якая таксама анансавалася ў найбліжэйшых плянах бязьвізавага рэжыму, спадар Мірончык адказаў, што перамоўны працэс з уладамі ААЭ і некаторых іншых дзяржаваў працягваецца.

«Вы ведаеце, што Міністэрства замежных спраў увогуле ўстрымліваецца ад заўчасных — асабліва аптымістычных — прагнозаў. Таму я не гатовы зараз нешта прагназаваць. Мы працягваем працу. Калі ў нас будзе дакладная дата, калі ў нас будзе ўпэўненасьць, мы абавязкова пра гэта паведамім. Але па ўсіх тых кірунках, усіх тых краінах, якія згаданыя ў ліку краін, зь якімі вядуцца перамовы, мы працуем і працуем з аднолькавым імпэтам», — падкрэсьліў прэсавы сакратар МЗС.

Сёньня беларусы могуць наведваць бязь візаў больш за 40 краін.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG