Лінкі ўнівэрсальнага доступу

Іранскія ўлады: за кратамі застаюцца 465 удзельнікаў пратэстаў, загінулі 25 чалавек


Ўдзельніцы пратэсту перад турмой ў Тэгеране.

Прадстаўнікі судовай сыстэмы Ірану заявілі 14 студзеня, што 465 чалавек застаюцца затрыманымі за ўдзел у антыўрадавых акцыях пратэсту, якія пачаліся 28 сьнежня. было прызнана, што 25 чалавек загінулі падчас дэманстрацый.

Як заявіў на мінулым тыдні іранскі заканадаўца-рэфарміст Махмуд Садэгі, падчас пратэстаў, якія прайшлі па ўсёй краіне, было арыштавана каля 3700 чалавек. Пратэсты былі выкліканыя незадаволенасьцю эканамічнай сытуацыяй у Іране і карупцыяй і перарасьлі ў заклікі да зьвяржэньня іранскіх клерыкальных кіраўнікоў.

7 студзеня парлямэнт Ірану заявіў, што дэманстранты, якія не ўяўляюць небясьпекі, асабліва студэнты, павінны быць вызваленыя, у час як лідэры пратэстаў павінны быць пакараныя.

Намесьнік кіраўніка судовай улады Ірану Хамід Шахрыары заявіў на мінулым тыдні, што лідэры антыўрадавых пратэстаў павінны панесьці «максымальнае пакараньне» у адпаведнасьці з іранскім заканадаўствам за арганізацыю таго, што Корпус вартавых Ісламскай рэвалюцыі неаднаразова называў «мяцяжом».

Сьмяротнае пакараньне зьяўляецца самым суровым пакараньнем, якое выносяць суды ў Іране. Яго можна ўжываць для цэлага шэрагу злачынстваў, у тым ліку за здраду, забойства і незаконны абарот наркотыкаў.

XS
SM
MD
LG