Лінкі ўнівэрсальнага доступу

У Берасьці доктара навук не прынялі ў выбарчую камісію праз «адсутнасьць досьведу»


Ірына Лаўроўская

Доктар мастацтвазнаўства ў галіне ўрбаністыкі і архітэктуры Ірына Лаўроўская зь Берасьця ня здолела трапіць ва ўчастковую выбарчую камісію — камісію першага ўзроўню на мясцовых выбарах, якія пройдуць 18 лютага ў Беларусі.

У Берасьці адбылося паседжаньне адміністрацыі Маскоўскага раёну Берасьця па пытаньні ўтварэньня ўчастковых камісій, на якім прысутнічала Ірына Лаўроўская.

«У мяне было сабрана 10 подпісаў грамадзян, якія накіроўвалі мяне ў камісію на ўчастку № 54. Усяго было 20 прэтэндэнтаў стаць чальцамі камісіі. З гэтых 20 ім трэба было выбраць 15. Калі пачыналі галасаваць, то адразу напісалі, што я „не рэкамэндаваная“, бо ў іх была рабочая група, якую ўзначаліў Аляксандар Залатухін, намесьнік начальніка аддзелу ідэалёгіі Берасьцейскага гарвыканкаму... Я запярэчыла, якім жа крытэрам не адпавядае мая кандыдатура. Яны адказалі, што я раней ня брала ўдзелу ў выбарчых камісіях. Значыць, каб быць чальцом гэтай камісіі, трэба мець стаж удзелу», — расказала Ірына Лаўроўская.

Доктар навук Ірына Лаўроўская была зьдзіўленая, што на такой падставе не ўключаюць у камісіі адукаваных людзей.

«Маёй кваліфікацыі дастаткова, каб арытмэтычна палічыць колькасьць бюлетэняў, колькасьць выбарнікаў. Я пра гэта і сказала ў часе паседжаньня, але вочы долу апусьцілі і прагаласавалі супраць. На гэтым паседжаньні прысутнічалі яшчэ некалькі чалавек з дэмакратычных партый, арганізацый, усе адукаваныя людзі. І нікога з гэтых людзей, якія мелі досьвед быць кандыдатамі, назіральнікамі на выбарах, яны не ўключалі», — паведаміла Ірына Лаўроўская.

Доктар мастацтвазнаўства ў галіне ўрбаністыкі і архітэктуры зь Берасьця мяркуе, што «нават на самы нізкі ўзровень выбарчых камісій улады не дапускаюць іншадумцаў».

«Стаўленьне ўлады да апазыцыі на гэтых выбарах яшчэ горшае, чым на мінулых»

Ваша меркаваньне

Паказаць камэнтары

XS
SM
MD
LG