Лінкі ўнівэрсальнага доступу

Першым зарэгістраваным кандыдатам у прэзыдэнты Расеі стаў Жырыноўскі


Уладзімір Жырыноўскі

Лідэр Лібэральна-дэмакратычнай партыі Ўладзімір Жырыноўскі стаў першым зарэгістраваным кандыдатам на прэзыдэнцкіх выбарах у Расеі, якія маюць прайсьці ў сакавіку 2018 году.

Цэнтральная выбарчая камісія Расеі зарэгістравала Жырыноўскага 29 сьнежня. 20 лістапада ЛДПР вылучыла палітыка кандыдатам у прэзыдэнты.

Жырыноўскі ўдзельнічаў у выбарах прэзыдэнта Расеі пяць разоў — у 1991 годзе (атрымаў 7,81% галасоў), у 1996-м (5,78%), у 2000 (2,7%), у 2008-м (9,35% ) і ў 2012-м (6,22%).

28 сьнежня ў ЦВК Расеі паведамілі, што 30 самавылучэнцаў і 21 партыя апавясьцілі аб намеры ўдзельнічаць у выбарах прэзыдэнта Расеі ў 2018 годзе.

25 сьнежня ЦВК адмовіла апазыцыянэру Аляксею Навальнаму ў рэгістрацыі, спаслаўшыся на судзімасьць палітыка. Пасьля гэтага Навальны заявіў, што ён не распускае выбарчыя штабы, але пераарыентуе іх на назіраньне за яўкай. Палітык абвясьціў, што ён і яго прыхільнікі будуць агітаваць за няяўку на выбары і не прызнаюць іх вынікаў. Ён назваў гэта «страйкам выбарнікаў».

Выбары прэзыдэнта Расеі прызначаныя на 18 сакавіка 2018 года.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG