Эўрапейскі зьвяз падоўжыў эканамічныя санкцыі супраць Расеі яшчэ на паўгода. Пра гэта паведамляе брусэльскі карэспандэнт Радыё Свабода Рыкард Юзьвяк.
Абмежавальныя меры застануцца ў сіле да 31 ліпеня 2018 году. Эўрапейская рада прыняла рашэньне падоўжыць дзеяньне абмежавальных мер за тое, што Расея не выконвае Менскія пагадненьні аб урэгуляваньні канфлікту на ўсходзе Ўкраіны.
Эўразьвяз, ЗША і Ўкраіна ўвялі санкцыі супраць Крамля за расейскую анэксію Крыму і ўмяшаньня ў канфлікт на Данбасе. Масква называе далучэньне паўвострава «аднаўленьнем гістарычнай справядлівасьці», а ўдзел у вайне на ўсходзе Ўкраіны адмаўляе.