Лінкі ўнівэрсальнага доступу

Палата прадстаўнікоў — за наданьне музэю ў Гудзевічах імя Белакоза. Мастоўскія ўлады — супраць


Алесь Белакоз (архіўнае фота)

Паўгода таму старшыня Мастоўскага райвыканкаму Юры Валяваты на прапанову грамадзян надаць музэю ў Гудзевічах імя яго стваральніка Алеся Белакоза адказаў — немэтазгодна. Падобны адказ з Мастоўскага райвыканкаму накіраваны і ў Палату прадстаўнікоў.

Мастоўскія актывісты пасьля адмоўнага адказу старшыні райвыканкаму Юрыя Валяватага не апусьцілі рукі. На абласной канфэрэнцыі Беларускай сацыял-дэмакратычнай партыі (Грамада) пастанавілі дамагацца ад уладаў ушанаваньня памяці Алеся Белакоза.

Палата прадстаўнікоў лічыць прапанову грамадзян слушнай

Сябра Грамады Язэп Палубятка напісаў новы зварот у Палату прадстаўнікоў, далучыўшы 130 сабраных раней подпісаў з патрабаваньнем надаць музэю ў Гудзевічах імя яго стваральніка Алеся Белакоза, а таксама адказы з Мастоўскага райвыканкаму і Гарадзенскага аблвыканкаму на іх прапановы.

Паводле Палубяткі, адказ прыйшоў нечакана хутка. У ім было ўсяго некалькі сказаў, але вельмі важных.

«Пастаянная камісія па адукацыі, культуры і навуцы Палаты прадстаўнікоў разгледзела прапанову грамадзян аб наданьні музэю ў Гудзевічах імя яго стваральніка — Алеся Белакоза, прызнала яе слушнай і зьвярнулася ў Мастоўскі райвыканкам і Гарадзенскі аблвыканкам з хадайніцтвам надаць імя Алеся Белакоза музэю ў Гудзевічах», — пераказвае ліст з парлямэнту Язэп Палубятка.

У музэі ёсьць бюст Белакоза, плянуецца ўсталяваць памятную шыльду, а назву мяняць немэтазгодна

Музэй у Гудзевічах
Музэй у Гудзевічах

Начальнік аддзелу ідэалягічнай працы, культуры і па справах моладзі Мастоўскага райвыканкаму Сяргей Дзейкала кажа, што думка Палаты прадстаўнікоў не супадае з рашэньнем Мастоўскага райвыканкаму.

Паводле Дзейкалы, у Палату прадстаўнікоў накіраваны адказ, у якім прыводзяцца тыя ж аргумэнты, якія старшыня райвыканкаму Валяваты даваў грамадзянам на іх зварот з прапановай ушанаваць імя стваральніка музэю ў Гудзевічах.

Дзейкала паўтарае, што пазыцыя райвыканкаму не зьмяншае і не прыніжае ролі Алеся Белакоза ў стварэньні Гудзевіцкага літаратурна-краязнаўчага музэю. Але, маўляў, сучасная ўстанова культуры «Гудзевіцкі дзяржаўны літаратурна-краязнаўчы музэй» існуе і разьвіваецца дзякуючы працы многіх людзей, імёны якіх вартыя ўшанаваньня.

Дзейкала дадае, што ў адной з заляў музэю ёсьць бюст Белакоза. Акрамя гэтага, на будынку музэю плянуюць усталяваць памятную шыльду, на якой будзе пазначана імя Алеся Белакоза. Мяняць жа назву ўстановы, на погляд Дзейкалы, немэтазгодна.

У музэі пра рэкамэндацыю Палаты прадстаўнікоў пакуль нічога ня чулі

Дырэктарка Гудзевіцкага дзяржаўнага літаратурна-краязнаўчага музэю Кацярына Басінская кажа толькі, што яны падрыхтавалі ўсе неабходныя дакумэнты, каб павесіць на музэі шыльду ў памяць Алеся Белакоза.

Шыльду павінен выканаць вядомы беларускі скульптар Уладзімер Церабун. Але дакумэнты пакуль на разглядзе ў Міністэрстве культуры. І гэта ўсё, што на сёньня ведаюць пра ўшанаваньне памяці Алеся Белакоза ў самім музэі.

***

Алесь Белакоз памёр 1 сьнежня 2016 году на 89-м годзе жыцьця. Белакоз — заслужаны настаўнік Беларусі, заслужаны дзяяч культуры, адным зь першых быў узнагароджаны мэдалём імя Францішка Скарыны. Ляўрэат прэміі «За свабоду думкі».

Сталкеры Свабоды. Алесь Белакоз
пачакайце

No media source currently available

0:00 0:03:47 0:00
Наўпроставы лінк

Маладым настаўнікам у 1948 годзе Алесь Белакоз напісаў на лістках заклік «Змагайцеся за незалежную Беларусь!» ды раскідаў іх зь цягніка па дарозе ў Менск. Потым раздабыў шрыфт ды надрукаваў антысавецкія ўлёткі, якія зь сябрамі распаўсюджваў у Горадні. Цудам пазьбег арышту і сталінскай карнай сыстэмы.

Мэтодыка шчасьця беларускага настаўніка

У Гудзевічах стварыў унікальны дзяржаўны літаратурна-краязнаўчы музэй, які ўзначальваў больш за 30 гадоў.

Аптымізм. Алесь Белакоз
пачакайце

No media source currently available

0:00 0:03:56 0:00
Наўпроставы лінк

XS
SM
MD
LG