Лінкі ўнівэрсальнага доступу

Памёр славуты настаўнік беларускай мовы Алесь Белакоз


Алесь Белакоз
Алесь Белакоз

1 сьнежня на 89-м годзе жыцьця памёр вядомы беларускі краязнаўца і настаўнік Алесь Белакоз.

Алесь Белакоз нарадзіўся ў 1928 годзе на Гарадзеншчыне, у вёсцы Ляткі Ваўкавыскага павету (цяпер Мастоўскі раён), якая з часам зьлілася зь вёскай Гудзевічы. Амаль усё жыцьцё пражыў там, працуючы настаўнікам роднай мовы і літаратуры.

Стварыў унікальны Гудзевіцкі дзяржаўны літаратурна-гістарычны музэй, які ўзначальваў болей за 30 гадоў.

Аптымізм. Алесь Белакоз
пачакайце

No media source currently available

0:00 0:03:56 0:00
Наўпроставы лінк

Заслужаны настаўнік Беларусі, заслужаны дзяяч культуры, адным зь першых быў ушанаваны мэдалём імя Францішка Скарыны. Ляўрэат прэміі «За свабоду думкі».

Быўшы маладым настаўнікам, у 1948 годзе Алесь Белакоз напісаў на лістках заклік «Змагайцеся за незалежную Беларусь!» ды раскідаў іх зь цягніка па дарозе ў Менск.

Потым раздабыў шрыфт ды надрукаваў антысавецкія ўлёткі, якія зь сябрамі распаўсюджваў у Горадні. Цудам пазьбег арышту і сталінскай карнай сыстэмы.

Алесь Белакоз стаў героем аднаго зь фільмаў са зборніку «21 слова для XXI стагодзьдзя».

Пахаваньне Алеся Белакоза адбудзецца 2 сьнежня ў вёсцы Гудзевічы.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG