Лінкі ўнівэрсальнага доступу

Расейская пракуратура правярае на экстрэмізм заявы Сабчак пра Крым


Ксенія Сабчак

Словы тэлевядучай Ксеніі Сабчак на прэсавай канфэрэнцыі 24 кастрычніка, дзе яна заявіла, што «з пункту гледжаньня міжнароднага права, Крым — украінскі», правяраецца пракуратурай на экстрэмізм. Пра гэта паведамляе расейскі тэлеканал Дождж са спасылкай на пракурора Масквы Уладзімера Чурыкава.

У рамках праверкі відэазапіс выступу Сабчак, якая раней заявіла аб намеры выставіць сваю кандыдатуру на прэзыдэнцкіх выбарах, стаў абʼектам экспэртызы — «комплекснага псыхоляга-лінгвістычнага дасьледаваньня», які завершыцца ў I квартале 2018 году.

«У сувязі з гэтым у цяперашні час не ўяўляецца магчымым даць ацэнку законнасьці названага інфармацыйнага матэрыялу» — сказаў пракурор Масквы.

25 кастрычніка дэпутат КПРФ накіраваў запыт генпракурору Расеі Юрыю Чайку і кіраўніку ФСБ Аляксандру Бортнікаву з просьбай праверыць словы Сабчак пра тое, што Крым уваходзіць у юрысдыкцыю Украіны.

Сабчак казала, што яе нельга судзіць за заклік да аддзяленьня або парушэньня тэрытарыяльнай цэласнасьці, бо «ў законе няма ні слова пра канстатацыю факту, і нават пра выказваньне свайго меркаваньня, якое не супадае зь дзяржаўным».

Як паведаміла расейская служба ВВС 13 сьнежня, ФСБ правяла лінгвістычную экспэртызу выказваньня Сабчак пра Крым і заклікаў да сэпаратызму не знайшла.

Ваша меркаваньне

Паказаць камэнтары

XS
SM
MD
LG