Лінкі ўнівэрсальнага доступу

Касьперскі будзе судзіцца з урадам ЗША


Супрацоўнік праходзіць за шкляной сьцяной ў офісе «Лябараторыі Касьперскага» ў Маскве, 17 кастрычніка 2016 году.
Супрацоўнік праходзіць за шкляной сьцяной ў офісе «Лябараторыі Касьперскага» ў Маскве, 17 кастрычніка 2016 году.

«Лябараторыя Касьперскага» абскардзіць у судзе забарону на выкарыстаньне яе прадуктаў амэрыканскімі дзяржаўнымі структурамі. Пра гэта гаворыцца ў прэс-рэлізе гэтай міжнароднай групы кампаній з цэнтральным офісам у Маскве, якая займаецца распрацоўкай праграмнага забесьпячэньня.

У прэс-рэлізе сьцьвярджаецца, што загад Міністэрства ўнутранай бясьпекі ЗША «заснаваны на непацьверджаных паведамленьнях у СМІ, чутках і ілжывых абвінавачваньнях на адрас кампаніі» і нанёс шкоду рэпутацыі «Лябараторыі Касьперскага» і яе бізнэсу. Кампаніі не далі сумленнай і справядлівай магчымасьці абвергнуць абвінавачваньні, напісаў у сваім блогу ў Livejournal яе кіраўнік Яўгеній Касьперскі.

Улетку ўлады ЗША забаранілі ўрадавым структурам краіны выкарыстоўваць праграмы «Лябараторыі Касьперскага» праз падазрэньні у сувязях з Крамлём і расейскімі спэцслужбамі. «Лябараторыя Касьперскага» супрацоўніцтва адмаўляе. Кампанія паабяцала ў пачатку 2018 году раскрыць зыходны код праграм і іх будучых абнаўленьняў, каб іх маглі праверыць незалежныя экспэрты.

WSJ: расейскія хакеры атрымалі доступ да дадзеных АНБ з дапамогай «Антывіруса Касьперскага»

У канцы кастрычніка «Лябараторыя Касьперскага» прызнала, што іх прадукт загрузіў у «воблака» архіў з файламі, пазначанымі як сакрэтныя. Кіраўнік кампаніі Яўгеній Касьперскі заявіў, што файлы былі атрыманы «выпадкова» і выдалены адразу ж пасьля таго, як яму было ўказана на іх сакрэтны характар.

13 сьнежня прэзыдэнт ЗША Дональд Трамп падпісаў закон аб забароне на выкарыстаньне прадукцыі «Лябараторыі Касьперскага» амэрыканскім урадам.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG