Яго супернік, левацэнтрысцкі сэнатар Алехандра Гільер, выступаючы перад сваімі прыхільнікамі, прызнаў сваю паразу, паведаміўшы, што патэлефанаваў Піньера, каб павіншаваць яго.
Афіцыйныя асобы паведамляюць, што былы прэзыдэнт атрымаў 54,6 адсотка галасоў, у той час як Гільер — 45,4 працэнта. Пры гэтым падлік бюлетэняў практычна завершаны.
Падчас першага прэзыдэнцкага тэрміну 68-гадовы Піньера сутыкаўся з маштабнымі пратэстамі супраць няроўнасьці ў Чылі і патрабаваньнямі рэформаў у сфэры адукацыі. Ён пакінуў пасаду прэзыдэнта ў 2014 годзе, маючы нізкія рэйтынгі, але пры ім таксама назіраўся штогадовы эканамічны рост у 5 працэнтаў.
Кансэрватыўны палітык прапануе скараціць падаткі на бізнэс, каб аднавіць эканамічны рост і абяцае пачаць рэалізацыю чатырохгадовага пляну выдаткаў коштам 14 мільярдаў даляраў, які ўключае новыя інвэстыцыі ў інфраструктуру.