Лінкі ўнівэрсальнага доступу

У Расеі растуць антызаходнія і антыўкраінскія настроі — сацыёлягі


У Расеі растуць антызаходнія настроі. Паводле дадзеных апытаньня сацыёлягаў «Лявада-Цэнтар», ЗША адмоўна ўспрымае 60 адсоткаў апытаных, Эўразьвяз — 54 працэнты. У студзені колькасьць расейцаў, якія нэгатыўна адносяцца да ЗША, складала 49%, а да ЭЗ — 47%.

Пры гэтым тры чвэрці расейцаў хочуць паляпшэньня адносінаў з Захадам. 16 адсоткаў апытаных лічаць, што гэта Расеі ня трэба, адзначаюць сацыёлягі.

На два працэнты ў параўнаньні з пачаткам года вырасла доля расейцаў, якія нэгатыўна адносяцца да Ўкраіны. У сьнежні, па дадзеных «Лявада-Цэнтра», аб такім стаўленьні да Кіева заявілі 56 адсоткаў рэспандэнтаў.

Амаль 30 адсоткаў расейцаў турбуюцца з нагоды палітычных і эканамічных санкцый у адносінах да Расеі і міжнароднай ізаляцыі краіны з-за анэксіі Крыма і пазыцыі Масквы ў адносінах да Ўкраіны. Аднак больш за 65 працэнтаў рэспандэнтаў гэтыя пытаньні не турбуюць.

Ваша меркаваньне

Паказаць камэнтары

XS
SM
MD
LG