Фільм «Мустафа» павінен быў быць паказаны 7 сьнежня ў маскоўскім кінатэатры «Кастрычнік». Аднак за дзьве гадзіны да сэансу, пасьля тэлефанаваньня «зьверху» фільм быў зьняты з паказу. Паводле рэжысэра Ахмэд-Эрнэса Сарыхаліла, аўтары фільма меркавалі, што з паказам карціны могуць узьнікнуць цяжкасьці праз нязручную ў Расеі тэматыкі — крымскія татары, дысыдэнты. У сытуацыі, якая склалася стваральнікі карціны прынялі рашэньне паказаць фільм усім жадаючым.
Фільм «Мустафа» разьмешчаны ў YouTube і на сайце «АРТДОКФЕСТ». Па паведамленьні арганізатараў фэстывалю Цэнтар па процідзеяньні экстрэмізму МУС Расеі запатрабаваў фільм для праверкі.
