Лінкі ўнівэрсальнага доступу

Марсіяне


«Фантастычны горад» (невядомы амэрыканскі мастак, сярэдзіна ХІХ ст.)

— Калі аўтобус на Кунцаўшчыну?

— Празь сем хвілін, — стомлена адказвае сталага ўзросту кабета.

«Свая», — падумаў я.

«Мы і так у Кунцаўшчыне! У мікрараёне», — вачыма зьдзівіліся людзі на прыпынку.

Наўкола — маналіт шматпавярховікаў.

«Прапусьціце з малым дзіцём!». Мама са мною на руках у перапоўненым ЛАЗіку сорак гадоў таму. Едзем да бабулі і дзядулі ў вёску Кунцаўшчына.

За вакном аўтобусу на палях пасьвяцца каровы, на балоце хлопцы ловяць уюноў.

Рэшткі вёскі дагэтуль захаваліся — аточаныя гмахамі новых дамоў.

Мы зь цётухнай нібы з апавяданьняў Рэя Брэдбэры: двое марсіянаў, якія ўсё яшчэ памятаюць хараство плянэты да прыбыцьця людзей з Космасу.

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Ваша меркаваньне

Паказаць камэнтары

XS
SM
MD
LG