Лінкі ўнівэрсальнага доступу

Трэба забіраць сямейнікаў амэрыканскіх вайскоўцаў з Карэі, бо набліжаецца канфлікт, — сэнатар ЗША


Сэнатар-рэспубліканец Ліндсі Грэм

Сэнатар ЗША Ліндсі Грэм (рэспубліканец з Паўднёвай Караліны) заявіў, што Пэнтагон павінен пачаць эвакуацыю сямейнікаў амэрыканскіх вайскоўцаў з Паўднёвай Карэі.

Сваю заяву Грэм абгрунтаваў штораз большай імавернасьцю ўзброенага канфлікту на Карэйскім паўвостраве.

«Я хачу, каб [Пэнтагон] перастаў высылаць туды сямейнікаў і думаю, што ўжо час пачаць вывозіць сямейнікаў з Паўднёвай Карэі», — сказаў сэнатар на тэлеканале CBS 3 сьнежня.

Вайсковы кантынгент ЗША ў Паўднёвай Карэі — як спадчына Карэйскай вайны 1950–1953 гадоў — налічвае 28,5 тысяч вайскоўцаў.

На мінулым тыдні КНДР заявіла, што яна праверыла новую міжкантынэнтальную балістычную ракету, якая можа даляцець да любога пункту мацерыковай часткі ЗША.

Ваша меркаваньне

Паказаць камэнтары

XS
SM
MD
LG