Лінкі ўнівэрсальнага доступу

За лягатып расейскіх выбараў заплацяць больш за 630 тысяч даляраў


Кіраўніца ЦВК Расеі Эла Памфілава

Цэнтральная выбарчая камісія (ЦВК) Расеі абрала лягатып прэзыдэнцкіх выбараў 2018 году. За яго стварэньне — «распрацоўку візуальнай канцэпцыі» — рэклямнае агенцтва «ИМА-консалтинг» атрымае з бюджэту Расеі 37 мільёнаў расейскіх рублёў (больш за 630 тысяч даляраў).

Як заявіў генэральны дырэктар кампаніі Вартан Саркісаў, абраны лягатып глядзіцца «па-дзяржаўнаму, грунтоўна, кансэрватыўна, але не архаічна». Паводле яго слоў, тэставаньне лягатыпу паказала, што выбаршчыкі «не чакаюць арыгінальных рашэньняў».

Карыстальнікі сацыяльных сетак палічылі лягатып прымітыўным і выказалі сумневы, што яго стварэньне каштавала 37 мільёнаў рублёў:

Агульны кошт інфармацыйнай кампаніі, прысьвечанай выбарам прэзыдэнта Расіі, складае амаль 800 мільёнаў расейскіх рублёў (больш за 13.6 мільёна даляраў). Грошы будуць выдаткаваныя у тым ліку на «інфармаваньне» расейцаў аб выбарах. Гэтым будзе займацца агенцтва «Михайлов и партнеры». Кіраўніца ЦВК Эла Памфілава не ўдакладніла, колькі менавіта сродкаў выдзеляць гэтаму агенцтву, аднак адзначыла, што сума кантракту з ім «трошачкі большая», чым з «ИМА-консалтинг».

Ваша меркаваньне

Паказаць камэнтары

XS
SM
MD
LG