Лінкі ўнівэрсальнага доступу

Прэзыдэнт Літвы скрытыкавала Беларусь за АЭС і «Захад-2017», старшыня Эўрапейскай Рады яе падтрымаў


Прэзыдэнт Літвы Даля Грыбаўскайце (архіўнае фота)

У Брусэлі працягваецца пленарнае паседжаньне саміту лідэраў краін-удзельніц праграмы Эўразьвязу «Ўсходняе партнэрства».

Падчас агульных дэбатаў на саміце «Ўсходняга партнэрства» прэзыдэнт Літвы Даля Грыбаўскайце скрытыкавала Беларусь за тое, што яна будуе АЭС у Астраўцы непадалёк ад літоўскай мяжы ў парушэньне міжнародных нормаў. Апрача таго яна выступіла з крытыкай вайсковых вучэньняў «Захад-2017», якія прайшлі на тэрыторыі Беларусі.

Старшыня Эўрапейскай Рады Дональд Туск падтрымаў Далю Грыбаўскайце ў крытыцы будаўніцтва Беларускай АЭС паблізу межаў краін Эўразьвязу.

Беларусь на саміце прадстаўляе міністар замежных спраў Уладзімер Макей, ён заявіў перад пачаткам пасяджэньня, што афіцыйны Менск гатовы да супрацоўніцтва з Эўразьвязам у пытаньнях бясьпекі станцыі.

Макей пра стаўленьне Эўразьвязу да АЭС у Астраўцы: «Мы гатовыя супрацоўнічаць»

Макей пра стаўленьне Эўразьвязу да АЭС у Астраўцы: «Мы гатовыя супрацоўнічаць»
пачакайце

No media source currently available

0:00 0:01:24 0:00

Літва патрабуе, каб у тэксьце Мэмарандуму аб паразуменьні паміж Эўразьвязам і Беларусьсю былі дакладныя фармулёўкі з асуджэньнем будаўніцтва АЭС у Астраўцы.

АЭС у Астраўцы можа заблякаваць падпісаньне мэмарандуму паміж Беларусьсю і Эўразьвязам

Пленарнае пасяджэньне павінна завяршыцца а 17.30 па менскім часе прыняцьцем агульнай дэклярацыі саміту, а таксама дакумэнту «20 мэтаў „Усходняга партнэрства“ да 2020 году». Чакаецца таксама падпісаньне двухбаковых дамоваў, выніковыя прэсавыя канфэрэнцыі.

Глядзець камэнтары (1)

Гэтая дыскусія закрытая.

Вам можа яшчэ спадабацца

XS
SM
MD
LG