Раней хадайніцтва пра вызваленьне грамадзяніна Францыі пад асабістую адказнасьць падалі менскія сяброўкі Віё.
Такім чынам, рассыпаецца вэрсія крымінальнай справы наконт таго, што замежны падарожнік зайшоў у «чырвоны калідор», не запоўніўшы дэклярацыю пра наяўнасьць боепрыпасу.
Сёньня быў прагледжаны запіс з відэарэгістратара, пададзены суду Гомельскай мытняй. У допытах мытнікаў двойчы гучала, што Віё ішоў па «зялёным» калідоры.
Папраўдзе Жалян сам паказаў патрон, запытаўшы, ці сувэнірны патрон адносіцца да забароненых для перавозкі рэчаў. Аднак мытнік Крыцкі не валодаў у неабходнай меры ангельскай мовай і нічога ня здолеў патлумачыць французу.
Пачаткова яго вінавацілі ў незаконнай перавозцы агнястрэльнай зброі (ч. 2 арт. 295 КК) і незаконным абарачэньні атрутных рэчываў (ч. 1 333-1 КК), што пагражала Віё да 7 гадоў пазбаўленьня волі.
У працэсе аб'яўлены перапынак да панядзелка 20 лістапада.
