Лінкі ўнівэрсальнага доступу

Жонка прэзыдэнта Зымбабвэ ўцякла з краіны пасьля захопу ўлады вайскоўцамі


Грэйс Мугабэ (зьлева).

Жонка прэзыдэнта Зымбабвэ Робэрта Мугабэ ўцякла з краіны пасьля таго, як уладу захапілі вайскоўцы. Пра гэта паведамляе тэлеканал ВВС. Паводле непацьверджаных вестак, Грэйс Мугабэ накіравалася ў Намібію.

Робэрт Мугабэ кіраваў Зымбабвэ амаль сорак гадоў — з 1980 году. Цяпер ён зьмешчаны пад хатні арышт і ў бліжэйшыя дні можа падаць у адстаўку. У сталіцу Зымбабвэ Харарэ заехалі танкі і бронетэхніка. У горадзе былі чуваць выбухі і перастрэлкі. Паведамляецца таксама пра затрыманьне некалькіх міністраў.

Вайскоўцы, якія захапілі ўладу, сьцьвярджаюць, што ня робяць дзяржаўны пераварот, а толькі выступаюць супраць «злачынцаў» ў атачэньні прэзыдэнта. У прыватнасьці, прыхільнікаў Мугабэ абвінавачваюць у эканамічных праблемах Зымбабвэ.

На мінулым тыдні Мугабэ адправіў віцэ-прэзыдэнта Эмэрсана Мнангагву ў адстаўку. Лідэр Зымбабвэ абвінаваціў яго ў падрыхтоўцы дзяржаўнага перавароту. Мнангагву разглядалі як магчымага пераемніка Мугабэ, ён карыстаўся падтрымкай арміі. Лічыцца, што менавіта адхіленьне Мнангагвы стала прычынай крызісу.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG