Лінкі ўнівэрсальнага доступу

Да паловы


Андэрс Цорн, «У атэлье скульптара Вікстрама» (1889)
Андэрс Цорн, «У атэлье скульптара Вікстрама» (1889)

Яна была акуратная, Маня Падалянчыкава. Працавала ў калгасе. Праца цяжкая, брудная. Прыбяжыць летам на абед. Вадзічкай, на сонцы нагрэтаю, памыецца, сподняе прапалошча. Пакуль уходзіцца, усё высахне. Сьвежае апране і на працу. Цікаўная суседка пытаецца:

Што ты кожны дзень мыесься? Памыла б валасы раз у тыдзень, да паловы.

Маня ў адказ:

Дурніца ты! Ня ведаеш, якую палову кабеце штодня мыць трэба.

Дзеля чаго згадала? Гляджу на фасады адноўленых дамоў. Прыгожа. Але заходзіш у пад’езд і жахаесься. Рамантаваны паўстагодзьдзя таму. Брудна, неахайна.

Да паловы прыбраныя нашы дамы. Каб вока ня муляла, каб тыя, што прыедуць, сказалі:

Якія чыстыя ў вас гарады!..

Альжбета Кеда

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Ваша меркаваньне

Паказаць камэнтары

XS
SM
MD
LG